Niyə mühasibatlıq outsourcing edilməlidir?
- 2025-05-12
Nailə Namazova
Azərbaycanda bir çox şirkət hələ də mühasibatlıq funksiyasını daxili əməkdaşlar vasitəsilə idarə etməyə üstünlük verir. Halbuki qlobal təcrübə göstərir ki, bu sahənin peşəkar outsourcing modelinə ötürülməsi daha effektiv, təhlükəsiz və iqtisadi baxımdan sərfəlidir. Artıq inkişaf etmiş ölkələrdə bu yanaşma standart halını alıb – və düşünürük ki, Azərbaycanda da bu dəyişikliyin vaxtı çoxdan çatıb.
1. İnsan riski yox, sistemli yanaşma
Daxili mühasiblərlə çalışmaq, bütöv maliyyə sisteminizi bir nəfərin üzərinə yükləmək deməkdir. Bu, ciddi risk daşıyır – çünki əmək qanunvericiliyinə əsasən, istənilən işçi yalnız bir ay əvvəl xəbərdarlıq etməklə işdən ayrıla bilər (Əmək Məcəlləsi, Maddə 70). Bu isə işin dayanmasına, hesabatların gecikməsinə və maliyyə sabitliyinizin pozulmasına səbəb ola bilər.
Outsourcing modeli isə fərqli işləyir: burada məsuliyyət bir nəfərin deyil, peşəkar bir komandanın üzərində olur. Sistem davamlı və sabit şəkildə fəaliyyət göstərir.
2. Qlobal təcrübə: Azərbaycanda hələ yeni, dünyada isə normadır
ABŞ, Böyük Britaniya, Almaniya və Sinqapur kimi qabaqcıl iqtisadiyyatlarda minlərlə şirkət artıq uzun illərdir ki, mühasibatlıq və vergi funksiyalarını kənar peşəkar komandalar vasitəsilə idarə edir. Bu yanaşma:
-
Əmək xərclərini azaldır
-
Keyfiyyəti artırır
-
Riskləri minimuma endirir
Azərbaycanda bu model hələ geniş yayılmayıb, lakin beynəlxalq rəqabətə uyğunlaşmaq istəyən şirkətlər üçün bu, qaçılmaz addımdır.
3. Daha çox təcrübə, daha çox dəstək
Tək bir mühasibin bilik və təcrübəsi ilə məhdudlaşmaq əvəzinə, outsourcing şirkəti sizə müxtəlif sahələr üzrə ixtisaslaşmış komandaların xidmətini təqdim edir:
-
Vergi hüququ
-
Maliyyə analizləri
-
Beynəlxalq hesabat standartları (IFRS)
-
Audita hazırlıq və compliance məsələləri
Bu yanaşma sizə həm çevik, həm də dəqiq qərarlar verməyə imkan yaradır.
4. Məsuliyyət hüquqi əsasla tənzimlənir
Daxili işçi ilə əməkdaşlıq zamanı yaranan hər hansı səhv və ya vergi riskinə görə məsuliyyət tam şəkildə işəgötürənin üzərindədir. Lakin outsourcing şirkəti ilə bağlanan müqavilədə bütün məsuliyyət, öhdəliklər və risk paylaşımı dəqiq şəkildə təsbit olunur.
Gerekli hallarda, outsourcing partnyorunuz sizə maliyyə kompensasiyası təqdim etməklə məsuliyyəti üzərinə götürür.
5. Biznesiniz böyüdükcə sistem də miqyaslanır
Yeni filiallar, artan əməliyyat həcmi və ya xarici bazarlara çıxış kimi hallarda daxili mühasibatlıq strukturunu böyütmək ciddi resurs və zaman tələb edir.
Outsourcing modeli isə tam adaptivdir – komanda böyüyür, resurslar artırılır və siz sadəcə nəticələrə fokuslana bilirsiniz.
6. Qarışıq model: daxili nəzarət + kənar peşəkarlıq
Əgər siz daxildə bir maliyyə əməkdaşı saxlamaq istəyirsinizsə, bu mümkündür. Amma əsas funksiyalar – hesabatlıq, vergi planlaşdırması, aylıq bağlanışlar – mütləq şəkildə peşəkar outsourcing partnyoru tərəfindən yerinə yetirilməlidir. Bu, dayanıqlı və şəffaf idarəetməni təmin edir.
Nəticə: Mühasibatlıq bir nəfərin yox, bir sistemin işi olmalıdır
İdeovate Consulting sizə ən müasir və təhlükəsiz maliyyə idarəetmə modeli təklif edir. Bizimlə əməkdaşlıq etdiyiniz zaman:
-
Risklər azalır
-
Hesabatlılıq artır
-
Qərarlar dəqiq və zamanında verilir
Azərbaycanda da maliyyə idarəçiliyində yeni mərhələyə keçidin vaxtıdır.
Bizimlə işləyin – riskləri aradan qaldırın, biznesinizi böyüdün.